![](https://tiranmarutyan.am/wp-content/uploads/2023/04/Ստեփանավան_Անասնաբուժական_1-300x300.jpg)
Անասնաբուժական տեխնիկում Ստեփանավանում
Կառուցվել է 1937-38 թթ.: Բազալտից կառուցված շենքի գլխավոր ճակատի թևերը մշակված են սյունակամարաշարերով, իսկ կենտրոնական մուտքային հատվածը եռակամար բաց սյունասրահ է՝ պսակված ճակտոնով: Պահպանվել է նախագծի տարբերակ՝ կենտրոնական հատվածի հորիզոնական քիվով: 1988 թ. Սպիտակի երկրաշարժից հետո շենքը գտնվում է կիսավեր վիճակում:
![](https://tiranmarutyan.am/wp-content/uploads/2023/04/Կորյուն_12_1-scaled.jpg)
Պոլիտեխնիկական համալսարանի մասնաշենք Կորյունի փողոց 12 հասցեում
Նախկինում՝ Կոոպերատիվ տեխնիկում: Կառուցվել է 1938-43 թթ. ընթացքում: Շենքի գլխավոր ճակատը ձևավորված է առաջին բազալտակերտ հարկից սկսվող կամարաշարով՝ մեկընդմեջ եռանկյունաձև խորշերով՝ կիսակոնաձև ձևավոր վերջավորությամբ: Խորշերի գլխամասի շրջանաձև մեդալյոններում դրոշմված են հնգաթև աստղեր:Նախագծի և կառուցման որոշ մանրամասների մասին տե՛ս «Մարկի մասին», 2000 թ. անտիպ հոդվածում:
![](https://tiranmarutyan.am/wp-content/uploads/2023/04/Դպրոց_Գագարին_1-300x300.jpg)
Դպրոց Գագարին ավանում
Կառուցվել է 1958 թ.: Վարդագույն տուֆից կառուցված երկհարկ դպրոցի ճակատը ձևավորված է բարդ տրամատով արխիվոլտներով՝ հենված խորանարդաձև իմպոստներով որմնամույթերին:
![](https://tiranmarutyan.am/wp-content/uploads/2023/04/Դպրոց_Տոլստոյ_1-300x300.jpg)
Լև Տոլստոյի անվան N 128 հիմնական դպրոց Երևանում
Գտնվում է Ազատության պող. 5 հասցեում: Կառուցվել է 1963 թ.՝ Ազատության պողոտայի կառուցապատման ընթացքում: Գլխավոր ճակատը ձևավորված է առաջին հարկի քիվի վրայով անցնող որմնասյուների շարքով:
![](https://tiranmarutyan.am/wp-content/uploads/2023/04/Կապան_Ուսումնարան_Ժ10-300x300.jpg)
Երաժշտական ուսումնարան Կապանում
700 տեղանոց դահլիճով ուսումնարանը կառուցվել է 1967-73 թթ.: